සුභසාධක ප්රතිලාභ මණ්ඩලය විසින් නිල වශයෙන් දැනුම් දී ඇත්තේ ‘අස්වැසුම’ සුභසාධක ප්රතිලාභ යෝජනා ක්රමයට අදාළ අගෝස්තු මාසික දීමනාව හෙට (19) දින ප්රතිලාභීන්ගේ බැංකු ගිණුම් වෙත ඍජුවම බැර කිරීමට අවශ්ය සියලු පියවර ගෙන ඇති බවයි. මෙම වැඩසටහන අදියර දෙකක් යටතේ ක්රියාත්මක වන අතර, ඉන් පළමු අදියර යටතේ හඳුනාගත් ප්රතිලාභී පවුල් 999,502ක් සඳහා රුපියල් මිලියන 9,242ක මුදලක් වෙන් කර ඇත. එමෙන්ම, දෙවන අදියර යටතේ තේරී පත්ව ඇති ප්රතිලාභී පවුල් 212,955ක් සඳහා රුපියල් මිලියන 2,321ක මුදලක් ගෙවීමට සියලු කටයුතු යොදා තිබේ.
මෙම මූල්ය නිදහස් කිරීමත් සමඟම, අදාළ සුභසාධන දීමනා හිමි සියලුම ප්රතිලාභීන්ට හෙට දින සිට තමන්ගේ අස්වැසුම බැංකු ගිණුම් හරහා අදාළ මුදල් ලබාගැනීමේ පහසුකම සැලසෙනු ඇත. රජය විසින් ක්රියාත්මක කරනු ලබන මෙම යෝජනා ක්රමය මඟින් අඩු ආදායම්ලාභී සහ අවදානමට ලක්වූ පවුල් සඳහා අවශ්ය මූල්ය සහාය සහ සහනය සපයමින්, ඔවුන්ගේ ජීවන තත්ත්වය උසස් කරගැනීමට සහ ආර්ථික ස්ථාවරත්වය තහවුරු කිරීමට සෘජු දායකත්වයක් ලබාදීම අපේක්ෂා කෙරේ.