මෙම නව මාර්ගෝපදේශ සංග්රහය මුද්රිත, විද්යුත් මෙන්ම සමාජ මාධ්ය (Social Media) යන අංශ සියල්ල ආවරණය වන පරිදි ක්රියාත්මක කිරීමට නියමිතය. ළමයින් මුහුණදෙන විවිධ සිදුවීම් හෝ අපරාධ වාර්තා කිරීමේදී ඔවුන්ගේ අනන්යතාව හෙළිවීමෙන් සිදුවන සමාජීය සහ මානසික බලපෑම් අවම කිරීම මෙහි ප්රධාන අරමුණයි. ඒ අනුව, තොරතුරු වාර්තා කිරීමේදී තහවුරු කරන ලද සත්යතාව සහ සාධාරණත්වය සුරැකීම, ළමයාගේ උපරිම යහපත (Best interests of the child) වෙනුවෙන් මුල්තැන දීම මෙන්ම ළමයින් හා ඔවුන්ගේ පවුල්වල සාමාජිකයන් අනවශ්ය ලෙස මාධ්ය හමුවේ නිරාවරණය වීම වැළැක්වීම සඳහා පැහැදිලි සීමාවන් හඳුන්වා දී තිබේ.
ඊට අමතරව, විශේෂ අවශ්යතා සහිත හෝ ආබාධිත දරුවන් සම්බන්ධයෙන් මාධ්ය වාර්තාකරණයේදී වඩාත් සංවේදී ලෙස කටයුතු කිරීමේ අවශ්යතාව ද මෙහිදී විශේෂයෙන් අවධාරණය කෙරිණි. ආබාධිත දරුවන්ගේ අයිතිවාසිකම් සහ ගෞරවය සුරැකෙන පරිදි, ඔවුන් කෙරෙහි සමාජය තුළ පවතින සෘණාත්මක ආකල්ප වෙනස් වන ආකාරයෙන් මාධ්ය භාවිතය සිදුවිය යුතු බවත්, කිසිදු ලෙසකින් ඔවුන්ගේ ආත්මඅභිමානයට හානි වන අයුරින් තොරතුරු හෝ රූපරාමු ප්රචාරය නොකළ යුතු බවත් අමාත්යාංශයීය උපදේශක කාරක සභාවේදී වැඩිදුරටත් සාකච්ඡා විය.