වසරේ මුල් මාස නවය තුළ විදේශගත ශ්‍රමිකයින්ගෙන් ශ්‍රී ලංකාවට ලැබී ඇති සමස්ත විදේශ ප්‍රේෂණ ප්‍රමාණය අමෙරිකානු ඩොලර් මිලියන 6,865.4ක් දක්වා ඉහළ ගොස් ඇති බව ශ්‍රී ලංකා මහ බැංකුව පවසයි.
මහ බැංකු දත්තවලට අනුව, මෙම වසරේ ජනවාරි සිට සැප්තැම්බර් දක්වා කාලය තුළ ලැබී ඇති විදේශ ප්‍රේෂණ ප්‍රමාණය පසුගිය වසරේ එම කාලසීමාවට සාපේක්ෂව අමෙරිකානු ඩොලර් මිලියන 1,053.7කින් ඉහළ ගොස් තිබේ.
පසුගිය වසරේ මුල් මාස නවය තුළ මෙරටට ලැබී තිබූ සමස්ත විදේශ ප්‍රේෂණ ප්‍රමාණය අමෙරිකානු ඩොලර් මිලියන 5,811.7ක් ලෙස වාර්තා විය.
මේ අතර, මෙම වසරේ සැප්තැම්බර් මාසයේදී පමණක් විදේශගත ශ්‍රමිකයින්ගෙන් අමෙරිකානු ඩොලර් මිලියන 734.4ක ප්‍රේෂණ ප්‍රමාණයක් මෙරටට ලැබී තිබේ.
එය පසුගිය වසරේ සැප්තැම්බර් මාසයේදී වාර්තා වූ අමෙරිකානු ඩොලර් මිලියන 695.7ක ප්‍රේෂණ ප්‍රමාණයට සාපේක්ෂව ඉහළ යෑමකි.
ඒ අනුව, වසරේ මුල් මාස නවය තුළ මෙන්ම සැප්තැම්බර් මාසයේදී ද විදේශගත ශ්‍රමිකයින්ගෙන් මෙරටට ලැබෙන ප්‍රේෂණවල වර්ධනයක් පෙන්නුම් කරයි.