මෙරට වයස අවුරුදු පහට අඩු සියලුම දරුවන් මරණයට පත් වූ පසු එම මරණය අනිවාර්යයෙන් පශ්චාත් මරණ පරීක්ෂණයකට භාජනය කළ යුතු බව අධිකරණ හා ජාතික ඒකාබද්ධතා අමාත්‍යාංශය මරණ පරීක්ෂකවරුන්ට දැනුම් දී ඇති බවට වාර්තා වේ. අමත්‍යංශය මඟින් මරණ පරීක්ෂකවරුන් වෙත නිකුත් කළ චක්‍රලේඛනයෙන් අවධාරණය කර සිටින්නේ මෙමඟින් ශ්‍රී ලංකාවේ ළමා මරණ විශ්ලේෂණයේ අත්‍යවශ්‍ය අංගයක් බවයි.
වයස අවුරුදු 5ට අඩු ළමුන්ගේ මරණ අනුපාත සඳහා පොදු හේතු හඳුනා ගැනීම සහ එවැනි මරණ වළක්වා ගැනීම සඳහා පූර්වාරක්ෂාව පියවර ගැනීම සඳහා මෙම පිළිවෙත පනවන බව අමාත්‍යාංශය ප්‍රකාශ කර සිටියි. මෙම මරණ අනුපාත අඩු කිරීම සඳහා මෙම මරණ පිටුපස ඇති හේතු අධ්‍යයනය කිරීමට සහ විශ්ලේෂණය කිරීමට පශ්චාත් මරණ පරීක්ෂණ සොයාගැනීම් භාවිත කරනු ලබයි. වර්තමානයේ, පශ්චාත් මරණ පරීක්ෂණ පවත්වනු ලබන්නේ දරුවකුගේ මරණය සැක සහිත තත්ත්වයක් හෝ අනතුරකදී පමණි. කෙසේ වෙතත්, නව නීතියට අනුව වෛද්‍ය වෘත්තිකයන් මරණයට හේතුව තීරණය කර ඇති අවස්ථාවන්හිදී පවා වයස අවුරුදු පහට අඩු සියලුම දරුවන් සඳහා පශ්චාත් මරණ පරීක්ෂණ අවශ්‍ය වේ.
බොහෝ විශේෂඥයන් මෙම ප්‍රතිපත්තිය අනවශ්‍ය බව විවේචනය කර ඇත, එමෙන්ම මරණය සැක සහිත නොවන විට පශ්චාත් මරණ පරීක්ෂණයක් සැමවිටම අවශ්‍ය නොවන බව ද ඔවුන් පවසා සිටිති. තවද සෑම පශ්චාත් මරණ පරීක්ෂණයක් සිදු කිරීමට මුදලින් රු. 15,000ක් පමණ වැය වන බවත්, එමඟින් සැළකිව යුතු සම්පත් නාස්තියක් වන බවත් ඔවුන්ගේ අදහස වී තිබේ.