කම්කරු නියෝජ්‍ය අමාත්‍ය මහින්ද ජයසිංහ මහතා පවසන ආකාරයට සමාගම් 22,450කට ආසන්න ප්‍රමාණයක් සේවක අර්ථ සාධක අරමුදලට අරමුදල් ගෙවා නොමැති බවයි.එතුමා මේ පිළිබඳ අනාවරණය කළේ ලංකා පරිපාලන සේවයේ විශේෂ ශ්‍රේණියේ නිලධාරිනියක වන එච්.එම්,ඩී.එන්.කේ. වටලියද්ද මහත්මිය අද දින කම්කරු කොමසාරිස් ජනරාල් ධුරයේ වැඩ භාර ගත් මොහොතේ දීය.
එම අවස්ථාවේ වැඩිදුරටත් අදහස් දැක්වූ නියෝජ්‍ය අමාත්‍යවරයා පැවසුවේ එම සමාගම් නොගෙවූ අරමුදල් වටිනාකම රුපියල් බිලියන 36ක් බවයි. එමෙන්ම නියෝජ්‍ය අමාත්‍යවරයා පැවසුවේ එම මුදල් අයකර ගැනීම සඳහා රජයක් ලෙස කම්කරු දෙපාර්තමේන්තුවට උපරිම සහාය ලබා දෙන බවත් ඒ සඳහා අභිනව කම්කරු කොමසාරිස් ජනරාල්වරිය සිය වගකීම් ඉටු කරනු ඇතැයි බලාපොරොත්තු වන බවයි.
ඉදිරියේදී කම්කරු නීති සංශෝධනය කිරීමට අවධානය යොමුව ඇති බව නියෝජ්‍ය අමාත්‍යවරයා පැවසුවේ රජය කම්කරු ජනතාවගේ අභිවෘද්ධිය වෙනුවෙන් කටයුතු කරමින් සිටින බවත් එමෙන්ම වැඩබිම තුළ ශ්‍රමික කාන්තාන්ගේ ආරක්ෂාව වෙනුවෙන් මෙන්ම ළමා ශ්‍රමය තුරන් කිරීමටත් පියවර ගනිමින් සිටින බවත් නියෝජ්‍ය අමාත්‍යවරයා මෙහිදී වැඩිදුරටත් සිය අදහස් ප්‍ර් කළේය.