අමෙරිකාවේ නව ජනාධිපති ඩොනල්ඩ් ට්‍රම්ප්ගේ කාර්ය මණ්ඩල ප්‍රධානියා ලෙස ඔහුගේ මැතිවරණ ප්‍රචාරක සටනේ වැඩි බරක් දැරූ සුසී විල්ස් පත් කර ඇතැයි විදෙස් මාධ්‍ය වාර්තා කළේය. ඇය ඔහුගේ මැතිවරණ ප්‍රචාරක අධ්‍යක්ෂවරිය ලෙස මෙවර කටයුතු කළ බව වාර්තා වේ.
ෆ්ලොරිඩා ප්‍රාන්තයේ උපායමාර්ගික මැතිවරණ ප්‍රචාරක මෙහෙයුම් නිලධාරිනියක ලෙස අත්දැකීම් බහුල 67 හැවිරිදි සුසී විල්ස් ජනාධිපති කාර්ය මණ්ඩල ප්‍රධානියා ලෙස පත්වූ පළමු කාන්තාව ලෙස අමෙරිකානු ඉතිහාසයට එක්වූ බව ද විදෙස් මාධ්‍ය වැඩිදුරටත් වාර්තා කළේය.
ඩොනල්ඩ් ට්‍රම්ප්ගේ සමීපතම මිතුරියක වන සුසී විල්ස් 2016 වසරේ සිට ඔහුගේ මැතිවරණ ප්‍රචාරක කටයුතු මෙහෙයවූ අතර, මෙවර මැතිවරණයේදී ඔහුගේ ජයග්‍රහණය වෙනුවෙන් විශාල කාර්යභාරයක් ඉටු කිරීම හේතුවෙන් ඩොනල්ඩ් ට්‍රම්ප්ගේ නොමඳ පැසසුමට ලක්වී සිටියාය.