දිස්ත්‍රික්ක 11ක නිල ඡන්ද පත්‍රිකා මුද්‍රණය කර අවසන් බව රජයේ මුද්‍රණාලය පවසයි. අදාළ පත්‍රිකා මේ වන විට මැතිවරණ කොමිසමට භාර දුන් බව වාර්තා වේ. එමෙන්ම, සෙසු දිස්ත්‍රික්කවලද නිල ඡන්ද පත්‍රිකා මුද්‍රණය මේ වන විට සිදු කරමින් පවතී.
මෙවර පාර්ලිමේන්තු මැතිවරණයේ නිල ඡන්ද දැන්වීම් පත්‍රිකා බෙදාහැරීම පසුගියදා (27) ආරම්භ කෙරුණි. නොවැම්බර් 07 වැනිදායින් පසු නිල ඡන්ද දැන්වීම් පත්‍රිකා නොලැබුණ අයෙක් ඇත්නම් ළඟම පිහිටි තැපැල් කාර්යාලයෙන් ලබාගත හැකි බවද මැතිවරණ කොමිසමේ සභාපති ආර්.එම්.ඒ.එල්. රත්නායක මහතා සඳහන් කලේය. මේ අතර, මහ මැතිවරණ ඡන්ද විමසීමට අදාළ තැපැල් ඡන්ද සලකුණු කිරීමේ කටයුතු පසුගිය (30) ආරම්භ විය.
මැතිවරණ කොමිෂන් සභාව සඳහන් කළේ, දිස්ත්‍රික් ලේකම් කාර්යාල, මැතිවරණ කොමිෂන් සභා කාර්යාල, පොලිස්පති කාර්යාල ඇතුළු සියලු පොලිස් ස්ථානවලද අද දිනයේ තැපැල් ඡන්ද සලකුණු කිරීම සඳහා අවස්ථාව ලබා දී ඇති බවය. අද දිනයට අමතරව අදාළ කාර්යාලවල නොවැම්බර් මස 4 වන දින ද තැපැල් ඡන්දය සලකුණු කිරීම සඳහා අවස්ථාව ලබාදී තිබේ